Bali Expat Forum - Bali Travel Forum

[Tommy]

Kenken ne bli gede? mareh iyang ngorahang jak poochie de jeritin adan iyang anggo "Mas". "Bli" dadi.."Pak" dadi.. "Mas" sing dadiiii... Lamun Bli Gede ba pantes anggo adan "Bli" berarti suba ngerti artin iyange? Alasane sing taen ade nak jeritin rage anggo "mas" di Bali. Bli Gede suba kudang tiban di Bali? Beneh-beneh ngoyong ape melali gen? Lamun sing nawang bedane Bli jak Mas berarti sing makeloe ngoyong di Baline. to gen. nah nah.

[Tommy]

Inget! Di topic ne sing dadi anggo bhs. indo utawi bhs. inglesss... Bhs.Bali gen!

[BLI GEDE]

Bli Tommy ortine becik2 deh, ken2 ring Sweden?

Titiang ngidih ajak Bli ngurikin tiang bahasa Bali, tiang sing demen milu tetajen.

Tiang ngoyong ring Bali 1 tiban, mulih meriki 6 sasih, ngoyong ring Bali 1-1/2 tiban terus-menerus. Sampun 6 tiban tiang ngoyong ring dini (Canada).

Matur Suksema, Bli Gede.

[Tommy]

wih bli gede'ne bek macampur sor/singgih/alus... nah asal ngerti gen sing kenken. nyen ngorin matajen? Iyang sing bani milu keto-keto hehe Demenan Bli Gede anggo Basa sor, singgih ape alus... Ape macampur gen care tunian? Biasane iyang anggo basa sor macampur singgih bedik. Kapah-kapah anggo bhs alusne krana sing cocok jak timpal-timpal.

[Kadek]

Beh ne mare luung adane. Tommy ajak Bli Gede ngomong Baline lancar sajan. Ne jani Tommy mukak Warung Bali keto? Nah, melah2 be, nyen nawang benjepang pasti liu ada nak mablanja masih dini. Saingan ajak Warung Kucingne Ni Luh.

Apang tusing ragene engsap buin, ne jani kenken patutne rage mekaokan ken Tommy……..melahne sing Bli Tommy…..kranane Tommy to nak kelihan ken irage. Ape patut keto Tom??

Bli Gede, beh dugas pidan ngorahang suba engsap Base Baline, de engsap2……….jani mare rage nawang Bli Gede bisa base Bali lancar…malihne nganggo base singgih muah alus. Melah pesan.

Ape rencananne jani Tom? Ape suba maulapin ne warunge? Ape buin nenenan adanane Warung Bali, pasti arus to. Yen perlu Jero Mangku……..rage bisa ngewakilin, I bape nak Mangku di Pura Dalem. To Mbok Dewi bisa belinin banten.

Nah, monto gen malu nah
Kadek

P.S. Ni Luh, apin ngelah warung pedidi, mampir nake masih ke Warung Bali. Nyen nawang Base Baline bisa lancar ……buin pidan mulih ke Bali sing be sukeh.

[Tommy]

wih .. melah.. melah.. paling dadine. Kadek saking Buleleng inggih? Sing taen ade nak Badung ngorahang Melah soalne..